Life Memories



Design and Draw By: Rainbow Wong

事作發生於某天早上刷牙時，當彩琳刷完牙時，佢話佢見到隻曱甴，我隨即話會唔會係蚊滋仔咋。於是佢有少少唔服咁話佢畫俾我睇喎，好快咁就畫完啦。當時係未畫下面嗰隻咁大隻既。

我一睇，嘩！畫得咁逼得，中間係深色啲添，佢既解釋係：呢隻就係佢見到既曱甴，不過冇咁大隻，只係箭咀指住嗰圓圈咁細隻啫，只有一粒鼻屎咁細隻。我就話：哦，咁細隻咋，整死咗未呀？彩琳話佢自己好驚，所以冇整死到。(咁驚又會睇到背脊係深色啲？！) 咁唔緊要啦，我隨即入去厠所想整死隻曱甴，可惜已經找不到了。

隨即彩琳又叫我去睇下佢畫乜，呢次我既反應就大囉：你明知媽咪最怕呢啲曱甴啦，你仲要畫到咁大隻！爸爸話你今次死啦！於是彩琳即刻用鉛筆擦擦擦，就是咁構成了這幅畫。